ويش شايف نفسك

ويش شايف نفسك

وش شايف نفسك على الناس يافلان

قلــي وش اللــي زايدن فيــك عنـــهم

وش رافعن خشمك على كــل أنســان

وأهــــل الكبــــر ربي بحقن لعنــهم

خلــك متـواضـــع يرفـع لك الشــان

وأن صــرت متغطــرس تراك منهم

اللي مشى قبلــك لقــى فيه حقــران

وخلا غروره والكبـــر بيده دفنــهم

والله مالي فيك حاجــه با الأزمـــان

يوم أني أبدي با النصايح حسنــهم

لكني مقوى الصمت لاشفت غلطان

يمشي دروب معتـــمه مافطنـــــهم

واجب علي النصح لو كنت بنــهان

حقــن علــي النصــح مابي ثمــنهم

وختامها صلو علــى نور الاعيـــان

على النبــي اللي نهــى دوم عنـــهم

محــمد المختـــار من اصــل عدنان

اللــي علــى طيــبه ومكــه سكنــهم